Community News, Views & Information

William Miller


The Spring comes linking and jinking through the woods,
Opening wi' gentle hand the bonnie green and yellow buds---
There's flowers and showers, and sweet sang a' little bird,
And the gowan wi' his red croon peeping thro' the yird.

The hail comes rattling and brattling snell an' keen,
Dauding and blauding, though red set the sun at e'en;
In bonnet and wee loof the weans kep and look for mair,
Dancing thro'ther wi' the white pearls shining in their hair.

We meet wi' blythesome an' kythesome cheerie weans,
Daffing and laughing far a-doon the leafy lanes,
Wi' gowans and buttercups busking the thorny wands,
Sweetly singing wi' the flower branch waving in their hands.

'Boon a' that's in thee, to win me, sunny Spring!
Bricht cluds and green buds, and sangs that the birdies sing;
Flower-dappled hill-side and dewy beech sae fresh at e'en;
Or the tappie-toorie fir-tree shining a' in green---
Bairnies, bring treasure and pleasure mair to me,
Stealing and speiling up to fondle on my knee!
In spring-time the young things are blooming sae fresh and fair,
That I canna, Spring, but love and bless thee evermair.

Jun 2, 2007

Copyright © 1999- Dennistoun Online
All rights reserved | Admin